Húsið mitt er lag sem er samið með það í huga að kenna ákveðinn orðaforða. Það eru afstöðuhugtökin, atvinnuheiti og að lokum með eldri börn er hægt að bæta við áhugamálum og íþróttum. Útfærsla lagsins er hugsuð þannig að kennari setji það upp á sjónrænan hátt. Uppsetningin er sú að það er þriggja hæða blokk teiknuð upp þar sem persónan sem er að syngja lagið er staðsett á annarri hæð. Það er skemmtilegt að leyfa börnunum að vera virkir þátttakendur og leyfa þeim að velja þrennt. Í fyrsta lagi hvar viðkomandi á að eiga heima. Barnið getur staðsett manneskjuna á hæðina fyrir ofan, neðan, við hliðiná, undir húsið, ofaná húsið eða jafnvel er hægt að setja viðkomandi hægra eða vinstra megin við húsið. Í öðru lagi geta börnin fengið að draga atvinnuheiti sem viðkomandi starfar við og í þriðja lagi er hægt að leyfa þeim að draga áhugamál eða íþrótt sem viðkomandi stundar. Með þessu fá börnin að vera virkir þátttakendur og einnig ná þau að tengja orðin við myndir sem gerir það að verkum að það sé auðveldara fyrir þau að sækja orðið seinna meir í langtímaminni sitt. Það er betra fyrir nemendur að muna orð þegar þau eru tengd við myndir heldur en einungis notuð í orðræðu (Afshar og Mojavezi, 2017, Bates og Son,2020, Permana, I.G.T., 2020, Andra, C. og Mathias B., 2020)

Þegar textinn var saminn var sérstaklega reynt að koma orðum sem hafa hljóðin [ð] og [þ] líkt og var gert hér að ofan í risaeðlulaginu. Í textanum var einnig reynt að koma fyrir sem flestum forsetningum og samtengingum. Rannsókn Eddu Rúnar Knútsdóttur (2008) virðast pólsk börn sem eru að læra íslensku gleyma að setja ákveðna setningaliði í setningar hjá sér. Það eru oftast forsetningar, samteningar, fornöfn, eignarfornöfn og nafnháttarmerki sem gleymast. Þegar þeim er gleymt er líkt og setningin sé ekki fullgerð og því mikilvægt fyrir þau að átta sig á hvenær það þarf að nota þessa setningaliði. Því var reynt þegar lagið var samið að setja eignarfornöfn, samtengingar, spurningarfornöfn en einungis er eitt nafnháttarmerki.