Dýralagið er lag sem er er samið sérstaklega með tvennt í huga. Í fyrsta lagi eru það kyn sem eru ólík í íslensku og pólsku. Þar á meðal er api, fiskur og páfagaukur en þau eru öll í kvenkyni í pólsku en í karlkyni á íslensku. Það eru mörg orð sem taka annað kyn í íslensku heldur en í pólsku. Því er mikilvægt að börnin heyri orðin þar sem kyn þeirra er notað. Einnig setur pólska eignarfornafn fyrir framan orðin, en í íslensku eru þau sett fyrir aftan.

Í flestum tilvikum rugla börnin saman ákveðnum íslenskum samhljóðum við álíka pólska samhljóða. Því er í öðru lagi viðlagið samið með þau málhljóð sem pólsk börn eiga erfitt með, og hér er unnið sérstaklega með íslensku hljóðin [ð] og [þ]. Eins og fram hefur komið geta pólsk börn átt erfitt með framburð á t.d. [ð], [þ],[ɛ], [ɪ]og [ɣ] hljóðum. Það er þó ekki einungis einstök hljóð sem geta reynst erfið heldur er það framburður almennt sem getur vafist fyrir þeim og hér er unnið með það.